Құқық бұзушылықтың алдын алу мақсатында директордың оқу-тәрбие жұмысы жөніндегі орынбасары Джаркембаева М.М. ұйымдастыруымен Қарасай аудандық АПБ бөлімінің КТІЖ инспекторы, полиция капитаны Шайх А.Р. ZOOM платформасында студенттерге «Жеке адамға қарсы қылмыстық құқықбұзушылықтар» тақырыбында дәріс өткізді. Дәрісте Жеке адамға қарсы қылмыстық құқықбұзушылықтардың түрлеріне яғни, Өмірге қарсы қылмыстар (ҚР ҚК 99-105 баптары), Денсаулыққа қарсы қылмыстық құқық бұзушылықтар (ҚР ҚК 106-114 баптары), Өмір мен денсаулыққа қауіп төндіретін қылмыстық құқық бұзушылықтар (ҚР ҚК 114-119 баптары), Жыныстық бостандық пен жыныстық қолсұғылмастыққа қарсы қылмыстық құқық бұзушылықтар (ҚР ҚК 120-124 баптары), Адамның жеке бас бостандығына қарсы қылмыстық құқық бұзушылықтар (ҚР ҚК 125-129 баптары), Адамның ар-намысы мен қадір-қасиетіне қарсы қылмыстық құқық бұзушылықтар (ҚР ҚК 130-131 баптары) жеке-жеке тоқталып кеңінен мағлұмат берді. Сонымен қатар, осындай жағдайлар орын алғанда қандай шаралар қолданылатыны туралы айтып өтті. Дәрістің соңында студенттер өздерінің көкейтесті сұрақтарын қойып, қызу пікірталасқа түсті.
Толығырақ: https://www.instagram.com/p/CZJHAQlDEo6/?utm_source=ig_web_copy_link
