17.09.2021 жылы «Қарасай ауданы жастар ресурстық орталығы» «JasOtan» Жастар Қанаты және аудандық психолог маманы С.Туребекқызының ұйымдастыруымен Алматы облысының бірінші имамы, Дінтану магистрі, Қарасай ауданының «Түркістан» мешітінің бас имамы Дауренбек Жандосұлының қатысуымен колледжіміздің студенттерімен «Отбасы құндылығы сарқылмас қазына» тақырыбында кездесу өткізді.
Кездесу өткізудің мақсаты: Отбасы мүшелерінің арасындағы бауырмалдық, қайырымдылық қатынастарын нығайту, ата – анасын сыйлай білетін азамат тәрбиелеу, отбасы құндылықтарын арттыру.
Отбасы — адам баласының түп қазығы, алтын ұясы. Адам баласы шыр етіп дүние есігін ашқаннан бастап сол ортаның ыстық-суығына бейімделіп, ықпалына көніп, осында ер  жетеді.
Отбасының екі тірегі — әлпештеген әке мен аялаған ана. Ата-анаға үлкенге қызмет етіп, әкеңнің еңбегін, анаңның ақ сүтін өтеу — біздің борышымыз. Ата — ана — отбасының негізгі діңгегі, бастапқы дәнекері. Бала әкеден ақыл, анадан мейірім алады. Әке туралы айтсақ, әке отбасының асыраушысы, қамқоршысы. Ана — отбасының ұйтқысы, жылуы, шуағы.

Толық медиафайлдармен мына сілтеме бойынша таныса аласыздар: https://www.instagram.com/p/CT8woC4DLgL/